Wamukelwe ngenhlokomo uNgqongqoshe wezemfundo uMaba uBlade Nzimande ngesikhathi ehambele indawo yaseMshwathi , kaSwayimane kaWard 12 eHholo lase Ndlebezembuzi .
UNgqongqoshe ubephelezelwa uBaba uMandla Zondi oyimeya yaseMshwathi , amakhansela aseMshwathi, amathimba aqhamuka eminyangweni kaHulumeni eyahlukene, izikhungo eziqeqesha amakhono ahlukahlukene kubafundi, Umkhandlu weNkosi yakwaSwayimane obebuholwa iNkosi uGcumisa .
UNgqongqoshe wethule uxhaxha lezinhlelo kanye nezizumbulu zemali yokuqeqesha umphakathi waseMshwathi. Yedlulile ku 30 million imalieyethulwe uNgqongqoshe ebhekene nokuqeqeshwa kwamakhono kubantu baseMshwathi.
UNgqongqoshe uphinde wabonga ukusebenzisana kukaMasipala waseMshwathi nabuholi beNdabuko njengoba eze wazibongela bukhoma kwi Nkosi uGcumisa ngokuyipha inkunzimalanga yenqamu.
UNgqogqoshe uphinde wakhipha izitifiketi zokugunyaza ngokusemthethweni izikhungo zokuqeqesha ezikhona eMshwathi, lapha kubalwa i Cool Air Skills Centre eka Ward 7 ,iThokozani Skills Centre eka Ward 1 kanye ne Gobizembe Skills Centre eka Ward 12.
Umeya ube esebonga usizo olufike noNgqongqoshe ,wase eqinisekisa umphakathi waseMshwathi ukuthi bazoqinisekisa ukuthi abantu bazoqeqeshwa, futhi abanye bazoqeqeshelwa ukuthi bakwazi ukuzimela ngokuqala amabhizinisi abo, banganciki ekutheni baze baqashwe kodwa nabo babe abaqashi uqobo.